Türkmenistanyň Gazagystan Respublikasyndaky ilçisi Batyr Rejepow Gazagystanyň Prezidentiniň ýanyndaky Merkezi aragatnaşyk gullugynyň müdiri Askar Umarow bilen duşuşdy.

Taraplar maglumat ulgamlaryny ösdürmek, tehniki hyzmat etmek we iki döwletiň maglumat we aragatnaşyk infrastrukturasyny goldamak meselelerini ara alyp maslahatlaşdylar.

Duşuşyga gatnaşyjylar emeli aň tehnologiýalarynyň çalt ösmegi şertlerinde hünär çemeleşmeleriniň üýtgemegi barada pikir alyşdylar. Taraplar bu pudakda ýokary hünär standartlaryny saklamagyň möhümdigini aýtdylar.

Çeşme: Türkmenistanyň Gazagystandaky ilçihanasy