2025-nji ýylyň 1-nji iýulynda Türkmenistanyň Daşary işler ministri Raşid Meredow bilen Niger Respublikasynyň Daşary işler, hyzmatdaşlyk we daşary ýurtlardaky niger raýatlarynyň işleri boýunça ministri jenap Bakari Ýau Sangare bilen telefon arkaly söhbetdeşlik boldy.

Söhbetdeşligiň dowamynda ministrler iki ýurduň arasynda özara gyzyklanma döredýän ugurlar boýunça hyzmatdaşlygyň ösdürilmeginiň mümkinçiliklerini ara alyp maslahatlaşdylar.

Türkmenistanyň we Niger Respublikasynyň daşary syýasat edaralarynyň arasynda yzygiderli gatnaşyklar ýola goýmagyň zerurlygy bellenildi. Taraplar halkara gün tertibiniň meselelerine çemeleşmeleriň meňzeşdigini aýratyn nygtadylar.

Söhbetdeşligiň aýratyn temasy hökmünde şu ýylyň awgust aýynda Türkmenistanda geçiriljek Deňiz bilen araçägedeş däl döwletleriň Üçünji maslahatyň taýýarlyk meseleleri ara alnyp maslahatlaşyldy.