Änew şäheriniň Medeniýet öýünde Türkmenistanyň Prezidenti Serdar Berdimuhamedowyň "Türkmenistanyň Bitaraplygy – parahatçylygyň we ynanyşmagyň aýdyň ýoly" atly kitabynyň tanyşdyrylyş dabarasy geçirildi. Neşir Halkara Bitaraplyk gününe we ýurduň hemişelik Bitaraplygynyň 30 ýyllygyna bagyşlandy.

Çärä Türkmenistanyň Mejlisiniň deputatlary, Ahal welaýatynyň ýolbaşçylar düzümi, jemgyýetçilik guramalarynyň wekilleri, ýaşulular we ýaşlar gatnaşdylar. Kitap türkmen, rus we iňlis dillerinde neşir edildi.

Çykyş edenler döwlet Baştutanymyzyň täze eserinde Türkmenistanyň daşary syýasatynyň çuňňur seljerilýändigini bellediler. Neşir Bitaraplygyň taryhy köklerini we hukuk esaslaryny açýar, şeýle hem ýurduň möhüm parahatçylyk merkezi hökmündäki ornuny belläp geçýär.

Tanyşdyrylyş dabarasyna gatnaşyjylar kitabyň ýokary poligrafik derejesine we ýurduň ykdysadyýetde, medeniýetde, durmuş ulgamynda gazanan üstünliklerini görkezýän baý maglumatlaryna, illýustratiw bezegine üns berdiler. Hormatly ýaşulular we jemgyýetçilik işgärleri häzirki döwlet gurluşynyň esasynda goýlan türkmen halkynyň ynsanperwer däp-dessurlarynyň dowamlylygy barada aýdyp geçdiler.

Çäräniň ahyrynda Türkmenistanyň Prezidenti Serdar Berdimuhamedowa Ýüzlenme kabul edildi.